“Nazirlik xaricdə təhsil alan gənclərlə 5 illik müqavilə imzalasın” – TƏKLİF
14 noyabr 2013 12:45 (UTC +04:00)

“Nazirlik xaricdə təhsil alan gənclərlə 5 illik müqavilə imzalasın” – TƏKLİF

“Təhsil Nazirliyi xaricdə oxuyan tələbələrin ölkəyə qayıtdıqdan sonra 5 il Azərbaycanda dövlət sahəsində işləməsi üçün müqavilə bağlasın”.

Lent.az-ın məlumatına görə, YAP üzvü, deputat Aydın Mirzəzadə parlamentin bugünkü iclasında belə təklif irəli sürüb.

Deputat bildirib ki, bu gün xaricdə təhsil alan tələbələrin potensialından istifadə olunması ilə bağlı problemlər var. Onun sözlərinə görə, xaricdə ali təhsil alan gənclər ölkəyə qayıtdıqdan sonra dövlət müəssisələrində işləmək istəmirlər: “Bu problemi aradan qaldırmaq üçün təklif edirəm ki, təhsil nazirliyi bu gənclərlə 5 illik müqavilə imzalasın”.

A.Mirzəzadə deputat həmkarı Abel Məhərrəmovun bu problemlə bağlı qaldırdığı narahatlığı da bölüşdüyünü qeyd edib və məsələnin həlli üçün Təhsil Nazirliyini addım atmağa səsləyib.

# 1163
avatar

Anar Gəraylı

Oxşar yazılar