“Xan-Yunisin qəssabı” ləqəbli Yəhya Sinvar: HƏMAS-ın öldürülən lideri vəhşiliyi ilə tanınırdı

İsrail Müdafiə Qüvvələri (İMQ) və ŞABAK (və ya Şin Bet) İsrailin ümumi təhlükəsizlik xidməti bir il davam edən axtarış əməliyyatından sonra 2024-cü il oktyabrın 16-da axşam saatlarında İMQ Cənub Komandanlığı qüvvələrinin Qəzza zolağının cənubunda HƏMAS terror təşkilatının lideri Yəhya Sinvarı məhv etdiyini bildirib.

Lent.az-ın xarici KİV-ə istinadən məlumatına görə, Sinvar bir ildən sonra məhv edilib. O, Qəzzanın mülki əhalisi arasında və HƏMAS-ın yerin altındakı tunellərində gizlənirdi. Son bir il ərzində və son bir neçə həftə ərzində İMQ və ŞABAK öldürüldüyü bölgədə həyata keçirdiyi onlarla əməliyyat Yəhya Sinvarın fəaliyyət sahəsini azaldıb.

Yüksək rütbəli terrorçu vəhşiliyi ilə tanınırdı və ona “Xan-Yunisin qəssabı” ləqəbini almışdı.

HƏMAS terror qruplaşmasının lideri Yəhya Sinar ötənilki 7 oktyabr qətliamının təşkilatçısı kimi tanınırdı

Sinvar onilliklərini yəhudi dövlətinə qarşı mübarizəyə həsr edib, düşmənini daha yaxşı başa düşmək üçün xüsusi olaraq ivrit dilini öyrənib. Onun qəddar fəlsəfəsi ondan ibarət idi ki, İsrailin məhvinə aparan bütün vasitələr, hətta öz xalqına zərər versə belə, haqlıdır.

Sinvarı şəxsən sorğu-sual edən ŞABAK-ın istintaq şöbəsinin keçmiş rəhbəri Mixa Kobi onu cihad ideyasına tamamilə qapılan son dərəcə xarizmatik və hiyləgər bir insan kimi təsvir edib. Kobinin sözlərinə görə, Sinvar gəncliyindən öz ordusunu yaratmaq və ondan 2023-cü ilin oktyabrında baş verən yəhudi yaşayış məntəqələrini dağıtmaq üçün istifadə etmək arzusunda olub. O, həmçinin qeyd edib ki, Sinvar həbsdə olarkən İranla fəal əlaqədə olub, silahların tədarükü və yaraqlıların təlimi ilə bağlı razılığa gəlib.

“O, tez-tez sorğu-sual zamanı deyirdi ki, öz ordusunu yaratmaq və oradakı bütün yəhudiləri qırmaq üçün onunla yəhudi kəndlərinə girmək arzusundadır və bunu oktyabrın 7-də etməklə məqsədinə çatmışdı və o, həqiqətən də “Şalit müqaviləsinin” bir hissəsi olaraq azad edilmişdi.

Sinvar amansızlığı ilə tanınırdı: həbs olunmazdan əvvəl İsraillə əməkdaşlıqda şübhəli bildiyi 12 nəfəri şəxsən öldürüb, baxmayaraq ki, sonradan onların heç birinin satqın olmadığı məlum olub. Bu qətllərə görə o, “Xan-Yunisin qəssabı” ləqəbini alıb.

Sinvar həbsxanada olarkən İran ordusu ilə əlaqələri davam etdirib və Qəzzaya silah tədarükü qurub. İsrailli həkimlər beyin şişini çıxarmaq üçün əməliyyat keçirərək onun həyatını xilas etdikdən sonra da o, münasibətini dəyişməyərək terror fəaliyyətini davam etdirib.

“O, fanatik və sosiopatdır, sadəcə onun gözlərinin içinə baxın – onun bir qatil gözləri var, onu dərhal görə bilərsiniz. Bir dəfə o, həyat yoldaşının və uşaqlarının HƏMAS olacağına qərar vermişdi və yalnız “Şalit sövdələşməsi”ndən sonra evlənərək bir uşaq dünyaya gətirməyə razı olub.

Xatırlayıram: o, xərçəng xəstəliyinə tutulub və İsrail həkimləri onu əməliyyat edərək həyatını xilas ediblər. Amma onun bizə qarşılıq verməsi məni təəccübləndirmir - onun heç bir hissləri yoxdur, minnətdarlıq hissi yoxdur”, - o paylaşıb.

"Sinvarı necə məğlub etmək olar" sualına Mixail Kobi qısa cavab verib:

"Öldürməklə. Təkcə onu yox, İsrailə hücumda iştirak edən hər kəsi və özünü HƏMAS-la eyniləşdirən hər kəsi".