Bakıda “Rus Evi”nin fəaliyyət göstərdiyi məkan boşaldılır.
Lent.az APA-ya istinadla xəbər verir ki, “Rus Evi”nin əməkdaşları divardakı tabloları çıxarır, əşyaları daşıyırlar.
Qeyd edək ki, Bakıdakı “Rus Evi” bu gün açıqlama yayıb. Açıqlamada deyilir ki, Azərbaycan Respublikası Xarici İşlər Nazirliyinin tələbi ilə əlaqədar olaraq, “Rossotrudniçestvo”nun nümayəndəliyi – Bakıdakı “Rus Evi” öz fəaliyyətini dayandırmaq üçün tədbirlər görür.
Eyni zamanda, bu gün Bakıda “Rus Evi”nin yerləşdiyi binadan mərkəzin adının rus dilində yazılmış hissəsi sökülüb.
Xatırladaq ki, Azərbaycan “Rus Evi”nin fəaliyyətinə xitam verilməsi barədə Rusiyaya nota göndərib. Belə ki, “Rossotrudniçestvo”nun Azərbaycandakı nümayəndəliyi olan Rusiya İnformasiya-Mədəniyyət Mərkəzi – “Rus Evi”nin hüquqi şəxs qismində qeydiyyatının mövcud olmadığı və təşkilatın Azərbaycan qanunvericiliyini ciddi şəkildə pozduğu barədə Rusiya tərəfinə məlumat verildikdən sonra, 3 fevral 2025-ci il tarixində “Rus Evi”nin fəaliyyətinə xitam verilməsi barədə Rusiya tərəfinə nota göndərilib.
***
14:54
Bakıdakı “Rus Evi” öz fəaliyyətini dayandırmaq üçün tədbirlər görür.
Lent.az xəbər verir ki, bu barədə Bakıdakı “Rus Evi” sosial şəbəkə səhifəsində açıqlama yayıb.
Qeyd edək ki, bu gün "Rus Evi"nin üzərindəki rus dilində olan yazıların sökülməsi barədə xəbər vermişdik.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
