Gün vuranların sayı 36-ya çatıb

Şənbə və bazar günləri 5 nəfər müraciət edib

Şənbə və bazar günləri Bakı şəhər Təcili və Təxirəsalınmaz Tibbi Yardım Stansiyasına 5 nəfər müraciət edib.

Bu barədə Lent.az-a Bakı şəhər Təcili və Təxirəsalınmaz Tibbi Yardım Stansiyasının baş həkiminin operativ və hospital işlərinin təşkili üzrə müavini Rauf Nağıyev məlumat verib.

Stansiyaya günvurma ilə bağlı şənbə günü 2 nəfər, bazar günü 3 nəfər müraciət edib. Şənbə günü müraciət edənlərdən biri - Bakı sakini, 45 yaşlı şəxs Bakı şəhər 2 saylı xəstəxanada yerləşdirilib. İlkin yardımdan sonra onun vəziyyəti stabilləşib.

Yay mövsümü başlayandan bu günə qədər isə 36 nəfər günvurma ilə bağlı müraciət edib. Onların 9 nəfəri xəstəxanada yerləşdirilib. Rauf Nağıyev bildirib ki, ilkin yardımdan sonra bu şəxslərin vəziyyəti yaxşılaşıb.

Ramiz