Gürcüstanın müdafiə nazirinin müavini Azərbaycanda səfərdədir

Gürcüstan müdafiə nazirinin müavini Mixeil Darçiaşvilinin Azərbaycana səfəri başlayıb.

Bu barədə APA-ya Gürcüstanın Azərbaycandakı səfirliyindən bildirilib.

Səfər çərçivəsində M.Darçiaşvili Müdafiə Nazirliyində bir sıra görüşlər keçirəcək. Onun rəhbərlik etdiyi nümayəndə heyətinin Silahlı Qüvvələrin Hərbi Akademiyası, Heydər Əliyev adına Azərbaycan Ali Hərbi Məktəbi və Silahlı Qüvvələrin Təlim Tədris Mərkəzi ilə tanışlığı gözlənilir.

Səfər martın 29-dək davam edəcək.