Bakıda avtobus piyadanı vurub qaçdı

Bakıda sərnişin avtobusu piyadanı vurub. Lent.az-ın daxili İşlər Nazirliyinin mətbuat xidmətinə istinadən verdiyi məlumata görə, martın 26-da saat 02 radələrində Xəzər rayonu Binə qəsəbəsinin ərazisində müəyyən edilməmiş avtomobillə yolu keçən Bakı şəhər sakini Mahmud Əhmədov vurulmuşdur. M.Əhmədov xəstəxanaya yerləşdirilib.

Xəzər RPİ 2-ci PB əməkdaşlarının keçirdikləri əməliyyat-axtarış tədbirləri nəticəsində hadisənin “Daewoo” markalı avtobusun sürücüsü, Bakı şəhər sakini Babaxan Qasımov tərəfindən törədilməsi müəyyən edilib.

Araşdırmalar davam etdirilir.