“Nəticəyə nail olmamağımıza səbəb Qarabağ münaqişəsinin mürəkkəbliyidir”
30 noyabr 2010 11:57 (UTC +04:00)

“Nəticəyə nail olmamağımıza səbəb Qarabağ münaqişəsinin mürəkkəbliyidir”

APA-nın Astanaya ezam olunmuş əməkdaşının verdiyi məlumata görə, bu fikirləri keçirdiyi brifinqdə ATƏT-in baş katibi Mark Perrin de Brişambo deyib.
Azərbaycan və Ermənistan prezidentləri arasında ATƏT-in Astana sammiti çərçivəsində görüş keçiriləcəyi barədə məlumata malik olmadığını deyən baş katib Qazaxıstan prezidentinin tərəflərin yaxınlaşmasında mühüm rol oynadığını vurğulayıb: “Mütəmadi keçirilən görüşlər sülhün bərqərar olmasına dəstək verir. Mən bu cür görüşləri yalnız alqışlaya bilərəm”.



Azərbaycandan olan jurnalistlərin bu illər ərzində Dağlıq Qarabağ münaqişəsinin nizamlanması istiqamətində nəticə əldə edə bilməyən ATƏT-in Minsk Qrupunun formatının effektsizliyi barədə sualı cavablandıran Mark Perrin de Brişambo bildirib ki, nəticənin olmaması münaqişənin mürəkkəbliyindən xəbər verir: “Problemin təşkilatda olduğuna şübhə edirəm. ATƏT sülhün bərqərar olmasında maraqlıdır və biz gələcəyi qurmaq üçün bura toplaşmışıq. Nəticəyə nail olmamağımız təşkilatın effektsiz fəaliyyətindən deyil, münaqişənin mürəkkəbliyindən xəbər verir”.
# 514

Oxşar yazılar