COVID-dən sonra qoxu hissini necə qaytarmaq olar? - ARAŞDIRMA

Sent-Luisdəki Vaşinqton Universitetinin alimləri COVID-19-a yoluxandan sonra qoxu hissinin bərpası ilə bağlı araşdırma aparıblar.

Lent.az-ın xarici mediaya istinadla xəbərinə görə, təsadüfi sınaqda COVID-dən sonra qoxu hissi azalmış 275 xəstə iştirak edib. İştirakçılara 30 saniyəlik fasilə ilə 15 saniyə burnuna çəkmələri üçün dörd efir yağı verilib. Bəzi xəstələrə yalnız yağın iyini hiss etməyə icazə verilib, digərlərinə isə müvafiq obyektin təsviri - qızılgül, küknar ağacı, limon və s. Alimlər sonuncu yanaşmanı bimodal adlandırıblar. Müqayisə üçün, iybilmə təlimindən keçməmiş nəzarət qrupu istifadə edilib.

Müdaxilədən əvvəl və sonra iybilmə funksiyasının orta dəyişməsi 11,6 bal təşkil edib ki, bu da klinik əhəmiyyət kəsb etməyib.

Bununla belə, qoxu hisslərində yaxşılaşma müşahidə edən iştirakçıların ən yüksək faizi bimodal təlim qrupunda olub.

Nəzarət qrupunun 19 faizi və bimodal iştirakçıların 46 faizi tərəfindən klinik cəhətdən əhəmiyyətli bir yaxşılaşma olduğu (daha yaxşı və ya bir az daha yaxşı) bildirilib. Tədqiqat bimodal təlimin daha da öyrənilməsinə ehtiyac olduğunu göstərib.