Azərbaycanın xalq artisti, bəstəkar Şəfiqə Axundovanın səhhəti normallaşmağa başlayıb.
Bu barədə APA-ya açıqlama verən bəstəkar bildirib ki, bu gün özünü nisbətən yaxşı hiss edir:
“Səhər şəkərim düşmüşdü, yenə özümü pis hiss etdim. Amma həkimlər sağ olsunlar, əlac elədilər, indi normallaşmışam. Bilmirəm, bu xəstəlik haradan gəldi. Xəstəxanada yaman darıxıram. Burada kim darıxmaz ki? İndi xəstəxananın reanimasiya şöbəsindəyəm. Bacım Rəfiqədən başqa yanıma heç kimi buraxmırlar. Yenə o başımı qarışdırır, qoymur darıxmağa. Çox adama xəstə olduğumu deməmişik deyə, adamların xəbəri yoxdu. Amma Gülyanaq, Gülyaz yanıma gəlmişdilər”
Bəstəkar reanimasiya şöbəsindən palataya nə zaman köçürüləcəyini bilmir: “Həkimlə bu haqda danışmamışıq. Burada nə qədər yatacam, yaxud evə nə vaxt buraxacaqlar, hələlik bu barədə heç nə deyə bilmərəm. Müalicəm davam edir, həkimlər də, tibb bacıları da sağalmağım üçün əllərindən gələni əsirgəmirlər”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
