Müğənni Sevda Yahyayeva keçmiş prodüseri Pərviz Əsgərovla yenidən iş birliyinə başlayıb. Bu barədə Lent.az-a prodüserin özü məlumat verib. O bildirib ki, Sevda ilə yanaşı bəstəkar-müğənni Murad Ariflə də çalışacaq: “Murad və Sevda mənim yaxın dostlarımdır. Onların hər ikisi ilə çalışmaq zövq verir. Yenidən Sevda ilə çalışmağım Muradla olan işlərimə mane olmayacaq. Düşünürəm ki, hər ikisinin də öhdəsindən yetəri qədər gələ biləcəm”.
Qeyd edək ki, P.Əsgərov 2010-2013-cü illərdə Sevda ilə çalışıb. O, Sevdanın Heydər Əliyev Sarayında baş tutan “Tut əlimdən”, “Yuxu” və Rafet El Romanla olan konsertlərinin təşkilatçısı olub.