Toyda oxumaq qadın sənəti deyil - Mətanət İsgəndərli

"Evdə oturub qeybət edəndə anam əsəbiləşir ki, öz sözünüzü danışın. Bu yaşıma qədər anamın qeybət etdiyini görməmişəm".
Bu sözləri Əməkdar artist Mətanət İsgəndərli "Söhbət var" proqramında deyib. Müğənni toylardan danışıb. O bildirib ki, toy aparmaq qadın yox, kişi müğənninin işidir.

M.İsgəndərli "Sizin sevginizi qazanmaq üçün nə etmək lazımdır" sualına belə cavab verib:

"Heç nə istəmirəm, mənə vəfalı olsun. Deyirsiz kübar xanım, deyirəm, kaş həyatım da belə kübar keçərdi. Kişi kimi işləyirəm. Gecə-gündüz çalışıram. Gecəmiz, gündüzümüz yoxdur... Evin yükü üstümdədir. Oğlum sağ olsun, ana-bala baş-başa verib işləyirik. Oğlum mənə çox dayaqdır. O, yanımda olmayanda əl-ayağım dolaşır. Uşaqlıqdan yanımdadır, indiyənə qədər.

Bu sənət o qədər çətindir ki... Toyda oxumaq qadın sənəti deyil. Əvvəl ancaq kişilər aparardı, bir toya xanım çağırılanda, təəccüblə deyirdilər filan toya qız gəlib. Qəribə gələrdi ki, toya qadın müğənni gətirilib. Bu sənət kişi sənətidir, qadın üçün ağırdır. Yollarda qalırsan, toyun stressi, cürbəcür insanlar var, həyəcandır... Oxumaq hünər istəyir. Səsində bir qüsur oldu, hamı gülür".

(Axşam.az)