Rusiyanın Daxili İşlər Nazirliyi Azərbaycan əsilli “stand up” ustası, Belarus vətəndaşı İdrak Mirzəlizadəni ölkədə ömürlük arzuolunmaz qonaq kimi hesab edib.
Lent.az-ın məlumatına görə, belaruslu komediyaçı İdrak Mirzəlizadənin Rusiyaya girişi əbədi olaraq qadağan edilib.
Bu ayın əvvəlində Rusiyanın Taqansk məhkəməsi onu “ İnsan ləyaqətini alçaltmaq, nifrət və ya düşmənçiliyə təhrik etmək” maddəsi ilə 10 günlük inzibati həbs cəzasına məhkum etmişdi. Buna səbəb gülüş ustasının ruslar haqqında videosu olub. Mirzəlizadənin dediyinə görə, o əslində ksenofobiyanı lağa qoyub və qınayıb. Monoloqun sözləri tamamilə kontekstdən çıxarılıb.
Qeyd edək ki, İdrak Mirzəlizadə bu ilin mart ayında Rusiyada yaşamaq icazəsi alıb.
Sevinc Fərid
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
