“Eurovision-2009”: aparıcıların adları açıqlandı

Yarımfinalın və finalın aparıcıları bəlli oldu

“Eurovision-2009” mahnı müsabiqəsinin təşkilatçısı olan Rusiyanın birinci kanalının ictimaiyyətlə əlaqələr departamenti müsabiqənin yarımfinalının və finalının aparıcılarının adlarını açıqlayıb.

“Biz təsdiq edirik ki, yarımfinalın aparıcıları Andrey Malaxov və fotomodel Natalya Vodyanova olacaqlar. Finalı isə İvan Urqant və müğənni Alsu idarə edəcək”. Lent.az-ın Rusiya KİV-nə istinadən məlumatına görə, bu barədə departamentdən bildiriblər.
Xatırladaq ki, bu günlərdə müsabiqənin münsiflər heyətinə başçılıq edəcək şəxs də bəlli olub – Filip Kirkorov. Müsabiqənin 2009-cu ildə qüvvəyə minən yeni qaydalarına görə, mahnıya verilən ümumi bal münsiflərin verdiyi qiymətin və tamaşaçı səsverməsinin cəmindən ibarət olacaq.