Bu gün Binəqədi rayon Məhkəməsində hakim Vüsal Tağıyevin sədrliyi ilə "Şərur MTK”nın sahibi İsfəndiyar Axundovun ("Şərurlu İsfəndiyar") barəsində xüsusi ittiham qaydasında verilən şikayət üzrə məhkəmə hazırlıq iclası keçirilib.
Lent.az xəbər verir ki, məhkəmədə ekspert Nəzakət Qaziyeva işlədilən bütün söz və ifadələrin ədəbi dilə uyğun olduğunu bildirib:
"Linqvistik ekspertizada təqdim edilmiş kəskin fikirlər tənqidi dəyərləndirilə bilər, təhqir səciyyəsi daşımır. Yəni nitq vahidləri emosional olsa da təhqir hesab edilmir".
Vəkil Asim Abbasov rəyin mötəbər sübut kimi qəbul olunmasına etiraz edib:
"Etirazımızın səbəbi odur ki, dilçilik institutunun 2021-ci ildə təyin olunan hazırkı rəhbəri, AMEA-nın həmin vaxt rəhbəri olmuş şəxslə və İsfəndiyar Axundov arasında əlaqənin mövcudluğunu ehtimal edərək, bununla bağlı etiraz edirik".
Qeyd edək ki, sözügedən vaxtda AMEA-nın prezidenti Ramiz Mehdiyev olub.
Hakim Vüsal Tağıyev etirazın yazılı şəkildə məhkəməyə təqdim edilməsinə etiraz etməyib. Növbəti proses 15 dekabr saat 11:00-a təyin olunub.
Xatırladaq ki, İsfəndiyar Axundov barəsində Cinayət Məcəlləsinin 147.2-ci (böhtan) və 148-ci (təhqir) maddələri üzrə xüsusi ittiham qaydasında şikayət edilib. Xüsusi ittiham qaydasında “Proqress 2016” MTK-nın rəhbəri Emil Səməndərov şikayət edib. İttihama görə, İ. Axundov müsahibələrindən birində E. Səməndərovu dələduz kimi təqdim edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
