PSJ-nin baş məşqçisi Mbappenin klubdan çıxmasını təsdiqlədi
06 mart 2024 09:54 (UTC +04:00)

PSJ-nin baş məşqçisi Mbappenin klubdan çıxmasını təsdiqlədi

PSJ-nin baş məşqçisi Luis Enrike Paris və Fransa millisinin hücumçusu Kilian Mbappe haqda danışıb.

Lent.az xarici mediaya istinadla bildirir ki, baş məşqçi artıq Mbappenin əvəzinə digər oyunçulardan bəhrələnmək istədiyini dilə gətirib:

“Görünür, Kilian Mbappenin PSJ-də yaxın gələcəyi olmayacaq, ona görə də biz digər oyunçularla taktikanı sınaqdan keçirməli olacağıq”.

Xatırladaq ki, 25 yaşlı Kilian Mbappenin “Real Madrid”lə müqavilənin son detallarını razılaşdırdığı bildirilib. Müqavilə 2024-cü il iyulun 1-dən qüvvəyə minəcək. Los Blancos yaxın həftələrdə Mbappenin transferini başa çatdırmaq istəyir, lakin onun transferini yalnız mövsüm bitdikdən sonra elan edəcək.

Mbappe 2017-ci ildən PSJ-də çıxış edir. 25 yaşlı futbolçu parislilərlə 13 kubok qazanıb. Bu mövsüm forvard bütün turnirlərdə 34 oyun keçirib, 34 qol vurub və 7 məhsuldar ötürmə edib. Futbolçunun Fransa klubu ilə müqaviləsi bu ilin iyun ayının sonuna kimi qüvvədədir. Transfermarkt internet portalına görə futbolçunun təxmini dəyəri 180 milyon avrodur.

# 2121
avatar

Oxşar yazılar