Çempionlar Liqası: “Hapoel” BATE-yə, “Fənərbağça” – “Spartak”a rəqib oldu

Lent.az-ın məlumatına görə, püşkdə 20 komanda iştirak edib.

Onlar Çempionlar və Qeyri-Çempionlar qruplarına bölünüblər. III təsnifat mərhələsində “Neftçi”ni mübarizədən kənarlaşdırmış İsrailin “Hapoel” (Kiryat Şmona) klubu Çempionlar Qrupunda Belarus BATE-sinə rəqib olub. Türkiyə “Fənərbağça”sı ilə Qeyri-Çempionlar Qrupunda Rusiya “Spartak”ı ilə üz-üzə gələcək. 10 qalib komanda Çempionlar Liqasının qrup mərhələsinə vəsiqə qazanacaq:

Çempionlar Qrupu

“Bazel” (İsveçrə) - ÇFR (Rumıniya)
“Helsinqborq” (İsveç) -“Seltik” (Şotlandiya)
BATE (Belarus) - “Hapoel” (Kiryat-Şmona, İsrail)
AEL (Kipr) - “Anderlext” (Belçika)
“Dinamo” (Zaqreb, Xorvatiya) - “Maribor” (Sloveniya)

Qeyri-Çempionlar Qrupu

“Lill” (Fransa) - “Kopenhagen” (Danimarka)
“Spartak” (Moskva, Rusiya) - “Fənərbaxça” (Türkiyə)
“Braqa” (Portuqaliya) - “Udineze” (İtaliya)
“Malaqa” (İspaniya) - “Panatinaikos” (Yunanıstan)
“Borussiya” (Mönhenqladbax, Almaniya) - “Dinamo” (Kiyev, Ukrayna)

İlk oyunlar 21-22 avqustda, cavab görüşləri bundan 1 həftə sonra olacaq.