Bu gün Abşeron rayonu, Xırdalan şəhərində beşmərtəbəli yaşayış binasında yanğın olub. Lent.az-ın Fövqəladə Hallar Nazirliyinin saytına istinadən verdiyi məlumata görə, binanın 2-ci mərtəbəsində vətəndaşa məxsus ümumi sahəsi 108 kv.m olan 5 otaqlı mənzilin 1 otağının yanar konstruksiyaları və ev əşyaları 21 kv.m sahədə yanıb. Yanğın zamanı dördüncü mərtəbədəki mənzildən 3-ü azyaşlı olmaqla 4 nəfər yanğınsöndürənlər tərəfindən xilas edilib və binadan 20 nəfər sakin təxliyə olunub.
Mənzilin qalan hissəsi yanğından mühafizə olunub. Yanğın saat 12:38-də yanğınsöndürənlər tərəfindən söndürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
