Şirvanda televizor partladı: 87 yaşlı qadın öldü

Fevralın 5-də Şirvan şəhərində baş vermiş yanğın hadisəsinin səbəbi məlum olub. Lent.az-ın Daxili İşlər Nazirliyinin saytına istinadən verdiyi məlumata görə, Şirvan şəhərində Ruqiyyə Həsənovanın yataqxanada yaşadığı otaqda televizorun partlaması nəticəsində yanğın baş verib. R.Həsənova tüstüdən boğularaq ölüb.

****

05.02.2014 / 19:05

Şirvanda 5 mərtəbəli yataqxananın birinci mərtəbəsində yanğın hadisəsi baş verib, nəticədə bir nəfər ölüb.

APA-nın Mil-Muğan bürosunun verdiyi məlumata görə, bu gün saat 17:40 radələrində Şirvan şəhəri Xəqani küçəsində yerləşən yataqxanada yanğın hadisəsi baş verib.

Yanğın nəticəsində həmin yataqxanada məskunlaşan Füzuli rayon sakini, 1927-ci il təvəllüdlü Həsənova Ruhiyyə Əziz qızı aldığı yanıq xəsarətlərindən və tüstüdən boğulmadan ölüb. Yanğın nəticəsində 20 kv. metrə qədər ərazi yanıb. Yanğına Fövqəladə Hallar Nazirliyinin Şirvan Yanğından Mühafizə Hissəsinin 2 avtoçəni cəlb olunub. Yanğın söndürülüb və digər ərazilərə keçməsinin qarşısı alınıb. Yanğına yaşlı qadının alovla diqqətsiz davranışı səbəb olub.

Faktla bağlı araşdırma aparılır.