SOCAR Səngəçaldakı qaz kəmərində olan yanğın barədə məlumat yaydı
Yanvarın 10-da axşam saat 20.45 radələrində diametri 1000 millimetr olan Səngəçal Baş Qurğuları-Qazıməmməd magistral qaz kəmərində yanğın baş verib.
APA-nın məlumatına görə, bu barədə SOCAR-ın mətbuat xidmətinin məlumatında bildirilir.
Məlumata görə, yanğının söndürülməsi üçün kəmər dərhal lokallaşdırılıb, bu xəttə verilən qaz alternativ kəmərə keçirilib və xətt istismardan təcrid olunub.
Hadisə nəticəsində xəsarət alan olmayıb, yaşayış məntəqələri üçün hər hansı təhlükə yoxdur. Hadisənin səbəbləri araşdırılır, əlavə məlumat veriləcək.
***
22:02
Səngəçalda qaz kəmərində yenə yanğın baş verib.
Lent.az-ın məlumatına görə, bu barədə Neftçilərin Hüquqlarının Müdafiə Komitəsinin sədri Mirvari Qəhrəmanlı sosial şəbəkədə məlumat yayıb.
O bildirib ki, hadisə ötən dəfə yanğın baş vermiş ərazidən bir az aralıda olub.
Elə M. Qəhrəmanlının səhifəsində də hadisə yerindən şəkil paylaşılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
