Gömrük nəzarətindən gizlədilən 40 kiloqram barıt aşkar edilib
09 fevral 2017 13:22 (UTC +04:00)

Gömrük nəzarətindən gizlədilən 40 kiloqram barıt aşkar edilib

Gömrükçülər nəzarətdən gizlədilən barıt aşkar etdilər. 

Lent.az-ın Dövlət Gömrük Komitəsinin saytına istinadən verdiyi məlumata görə, Tovuz Gömrük İdarəsinin "Sınıq Körpü" Gömrük Postunda Gürcüstan Respublikasından Azərbaycan Respublikasına minik maşını ilə gələn Azərbaycan Respublikası vətəndaşı ilə gömrük bəyannaməsinin bəndlərinə uyğun olaraq şifahi sorğu-sual aparılıb və ona idarə etdiyi avtomobildə gizlədilən və gömrük nəzarətinə mütləq bəyan olunası hər hansı predmetin olub-olmaması barədə sual verilib. Həmin şəxs idarə etdiyi nəqliyyat vasitəsində gömrük nəzarətindən gizlədilən və mütləq bəyan olunası hər hansı predmet olmadığını bildirib. Avtomobilə keçirilən gömrük baxışı zamanı isə nəqliyyat vasitəsinin yanacaq çəninin içərisindən, xüsusi düzəldilmiş gizli-saxlanc yerindən gömrük nəzarətindən gizlədilən 40 kiloqram barıt aşkar edilərək götürülüb. Faktla bağlı araşdırma aparılır.

# 95
avatar

Oxşar yazılar