Beyləqanda uşaq bağçası yanıb

Beyləqan şəhərində icra hakimiyyətinə məxsus uşaq bağçasında yanğın hadisəsi qeydə alınıb.

Lent.az-ın FHN-nin saytına istinadən məlumatına görə, ümumi sahəsi 1600 m2 olan ikimərtəbəli uşaq bağçasının 1-ci mərtəbəsində Fizulidən olan məcburi köçkünün məskunlaşdığı, sahəsi 30 m2 olan 2 otağın yanar konstruksiyaları və ev əşyaları 25 m2 sahədə yanıb.

Bağça binası yanğından mühafizə olunub. Yanğın saat 16:44-də yanğınsöndürənlər tərəfindən söndürülüb.