Bakı şəhərində axtarışda olan 4 nəfər yaxalanıb. Bakı Şəhər Baş Polis İdarəsindən APA-ya verilən məlumata görə, Xəzər rayon Polis İdarəsinin 2-ci polis bölməsinin əməkdaşlarının keçirdiyi əməliyyat tədbirləri nəticəsində Cinayət Məcəlləsinin 178 (dələduzluq) və 320-ci (rəsmi sənədləri hazırlama və ya saxta sənədlərdən istifadə etmə) maddələri ilə axtarışda olan Şahin Abdullayev tutulub.
Binəqədi Rayon Polis İdarəsinin 6-cı polis bölməsinin əməkdaşlarının keçirdiyi əməliyyat tədbirləri nəticəsində Cinayət Məcəlləsinin 178-ci maddəsi ilə axtarışda olan Qızxanım Abbaszadə yaxalanıb.
Səbail Rayon Polis İdarəsinin 9-cu polis bölməsi əməkdaşlarının keçirdiyi əməliyyat tədbirləri nəticəsində Cinayət Məcəlləsinin 178-ci maddəsi ilə axtarışda olan İsmayıl Həsənov tutulub.
Xətai Rayon Polis İdarəsinin Cinayət Axtarış Şöbəsinin və 37-ci polis bölməsinin əməkdaşlarının keçirdiyi əməliyyat tədbirləri nəticəsində Cinayət Məcəlləsinin 178-ci maddəsi ilə axtarışda olan Cəmil Qasımov saxlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
