[b]Meyitləri aşkarlanan ahıl ər-arvadın qətlə yetirildiyi məlum olub - Lənkəranda - YENİLƏNİB[/b]
22 noyabr 2016 19:05 (UTC +04:00)

[b]Meyitləri aşkarlanan ahıl ər-arvadın qətlə yetirildiyi məlum olub - Lənkəranda - YENİLƏNİB[/b]

 

Bu gün Lənkəranda günorta saatlarında yaşadıqları evdə meyitləri aşkarlanan ahıl ər-arvadın öldürüldüyü məlum olub.

 

APA-nın cənub bürosunun xəbərinə görə, bu, Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinin yekun rəyində əksini tapıb.

 

Rəyə əsasən hər iki şəxsin bədənində və baş nahiyələrində xəsarətlər aşkarlanıb. Onların bu xəsarətlərdən öldüyü qənaətinə gəlinib. 

 

16:14

 
Bu gün günorta saatlarında yaşadıqları evdə meyitləri aşkarlanan ahıl ər-arvadın qida zəhərlənməsindən öldüyü ehtimal edilir.

 

APA-nın cənub bürosunun xəbərinə görə, Aydın Mirzəli oğlu Allahverdiyev və onun həyat yoldaşı Azadə Rəcəb Allahverdiyanın qəbul etdikləri qidadan mədələrinin parçalandığı, bu səbəbdən meyitlərin ağzından qan axmasının müşahidə olunduğu bildirilir.

 

 

Meyitlər hazırda Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsində müayinə olunur.

 

***

 

13:27

 

Lənkəran şəhərində ahıl ər-arvadın evlərində meyiti aşkarlanıb.

 

APA-nın cənub bürosunun xəbərinə görə, hadisə şəhərin  Şəhidlər xiyabanı 10 ünvanında qeydə alınıb.

 

Həmin ünvanda yaşayan 1939-cu il təvəllüdlü Aydın Mirzəli oğlu Allahverdiyev  və onun həyat yoldaşı 1941-ci il təvəllüdlü Azadə Rəcəb qızı Allahverdiyevanın meyiti bu gün saat 13.00 radələrində tapılıb.

 

Ölümün səbəbləri hələlik məlum deyil. Onların hər ikisinin ağzından qan axdığı bildirilir.

 

 

Meyitlər müayinə üçün morqa aparılacaq.

 

 

Hüquq-mühafizə orqanlarının əməkdaşları hadisə yerində araşdırma aparır.

 

# 197
avatar

APA Baycan

Oxşar yazılar