"Jiquli" lapetə çırpıldı: 1 ölü, 3 yaralı - YENİLƏNİB

Ağcabədidə baş verən yol nəqliyyat hadisəsində xəsarət alanlardan biri həyatını itirib. APA-nın Qarabağ bürosunun xəbərinə görə, rayonun Sarcalı kəndində baş verən qəzada 4 yaralıdan sürücü, Səfqulu Əliyev xəstəxanada dünyasını dəyişib. Xəsarət alan sərnişinlərin vəziyyəti ağır olaraq qalmaqdadır.

****** 23.07

Ağcabədi rayonu ərazisində baş verən yol qəzasında 4 nəfər ağır yaralanıb. Hadisə rayonun Sarcalı kəndi ərazisində baş verib. APA-nın Qarabağ bürosunun xəbərinə görə, Əliyev Səfiqulu Saday oğlunun idarə etdiyi “VAZ 21011” markalı, 04 BL 847 dövlət nömrə nişanlı avtomobil traktora qoşulan lapetlə toqquşub. Nəticədə “VAZ 21 011” markalı maşında olan sürücü S. Əiyev , Hüseynov Əli Ziyad oğlu, Qasımov Adil Cəlal oğlu və Hüseynzadə Həsən Səfər oğlu ağır bədən xəsarətləri ilə Ağdam Mərkəzi Rayon Xəstaxanasına çatdırılıb.

Xəstəxanadan APA-ya verilən xəbərə görə, yaralıların vəziyyəti ağırdır.