29 yaşlı oğlan sirkə turşusundan zəhərləndi

Tovuz rayon sakini sirkə turşusundan zəhərlənib.

APA-nın qərb bürosunun verdiyi məlumata görə, rayonun Musa Musayev küçəsində yaşayan 1988-ci il təvəllüdlü Məhərrəm Məmədov zəhərlənmə əlaməti ilə Tovuz rayon Mərkəzi xəstəxanasına yerləşdirilib.

Ona dərhal tibbi yardım göstərilib. Vəziyyətinin orta ağır olduğu bildirilir. Yaxınlarının sözlərinə görə, M. Məhərrəmov ikinci qrup əlildir. O soyuducuda olan dərman əvəzinə səhvən sirkə turşusu içərək zəhərlənib.