Qubada bir gündə 2 intihar
03 noyabr 2009 14:00 (UTC +04:00)

Qubada bir gündə 2 intihar

Mərhumlardan biri arvadını bıçaqlayıb, digərinin isə anası 2 ay əvvəl canına qəsd edib

Azərbaycanın Quba rayonunda intihar hadisəsi baş verib. APA-nın şimal bürosunun xəbərinə görə, hadisə bu gün səhər saatlarında Quba şəhəri, Ərdəbil küçəsi 33 ünvanında qeydə alınıb. 40 yaşlı Rasim İsgəndərov yaşadığı mənzilin tavanından özünü asıb. Quba rayon Prokurorluğundan verilən xəbərə görə, Rasim İsgəndərov bir həftə əvvəl öz həyat yoldaşına bıçaqla xəsarət yetirib.


Məsələ ilə əlaqədar Xaçmaz rayon Polis Şöbəsində araşdırma aparılıb və R.İsgəndərov istintaqa cəlb olunub. İstintaq müddətində R. İsgəndərov bir neçə dəfə psixi sarsıntı keçirib və vena damarlarını kəsib.


Rayonda daha bir intihar hadisəsi isə Barlı kəndində baş verib. 1972-ci il təvəllüdlü Mirzəyev Allahverdi yaşadığı evin həyətində özünü asıb. Quba rayon Prokurorluğundan APA-nın yerli bürosuna verilən məlumata görə, A.Mirzəyev sərxoş halda olub.


Bildirilib ki, 2 ay əvvəl A.Mirzəyevin anası özünü Samur-Abşeron kanalına atmaqla intihar edib. Bu hadisənin A.Mirzəyevə psixi təsir göstərdiyi güman olunur.
1 2 3 4 5 İDMAN XƏBƏRLƏRİ
# 468

Oxşar yazılar