Yəmən prezidentinin fəaliyyəti araşdırılacaq

Yəmən məhkəməsi ölkənin keçmiş prezidenti Əli Abdulla Saleh barəsində cinayət işinin başlanması ilə bağlı hökumətin qərarını təsdiqləyib.

Lent.az-ın xarici informasiya vasitələrinə istinadən məlumatına görə, o, hakimiyyət olduğu zaman 2011-ci ildə etiraz yürüşlərində iştirak etmiş 45 nəfərin qətlində ittiham olunur.

Hakimiyyətin təhvil verilməsi çərçivəsində əldə edilmiş razılığa əsasən, keçmiş dövlət başçısına toxunulmazlıqla bağlı təminat verilsə də, məhkəmə bu təşəbbüsü bəyənib.

Saleh 30 il Yəməni idarə edib. O, istefa versə də, özü və tərəfdarları ölkədə önəmli təsiredici qüvvəyə malikdirlər.