Tacikistanın Ali Məhkəməsi Dağlıq –Bədəxşan muxtar vilayəti məhkəməsi sədrinin müavini Həzrətulla İbrahimov həbs ilə bağlı sanksiya verib.
Lent.az-ın «RİA Novosti»-yə istinadən məlumatına görə, o, iri məbləğdə rüşvət almaqda ittiham olunur.
Maliyyə nəzarəti və korrupsiyaya qarşı mübarizə agentliyindən bildirilib: «Həzrətulla İbrahimov istintaq getdiyi müddət ərzində agentliyin təcridxanasında saxlanılacaq.
O, kabinetində yerli sakinlərdən birindən rüşvət alarkən tutulub. Həmin vətəndaşa qarşı da cinayət ortaqlığına görə iş açılıb».
Ondan başqa prokurorluq Nurabad rayonunun hakimi Əbdülrəhim Alimov barəsində də uyğun cinayətlə iş açıb.
Agentliyin məlumatına əsasən, bu ilin əvvəlindən 760 korrupsiya cinayəti aşkar edilib. Onların 238 ağır cinayətlərdəndir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
