Bu gün Suriya - Türkiyə sərhədindəki Bab əl-Havr sərhəd-keçid məntəqəsində bomba yüklü avtomobil partladılıb.
Lent.az-ın “Hürriyet” qəzetinə istinadən verdiyi məlumata görə, partlayış Türkiyə sərhədindən 2 km uzaqlıqda baş verib.
Hatayın Reyhanlı rayonunda duyulan partlayış səsindən sonra Cilvegözü sərhəd-keçid məntəqəsinə təcili tibbi yardım maşınları göndərilib. Partlayışdan sonra Türkiyə tərəfi Cilvegözü sərhəd-keçid məntəqəsini bağlayıb.
İlkin məlumatlara görə, partlayış nəticəsində 7 nəfər ölüb, ən azı 20 nəfər isə yaralanıb.
Qeyd edək ki, bu il fevralın 15-də Cilvegözü sərhəd-keçid məntəqəsində baş verən oxşar partlayış nəticəsində 18 nəfər ölüb, 24 nəfər yaralanıb. Bu sərhəd-keçid məntəqəsi Suriyada Bab əl-Havr, Türkiyədə isə Cilvegözü sərhəd-keçid məntəqəsi kimi tanınır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
