Suriya və Türkiyə sərhədində atışma olub. Lent.az-ın Türkiyənin NTV telekanalına istinadən verdiyi məlumata görə, iyunun 3-də Kıyıgören sərhəd postuna aid sahədə, Asi çayı kənarında Hatay Vilayət Özəl İdarəsinə məxsus texnikanı Suriya tərəfdən 5 nəfər avtomat silahlardan atəşə tutub.
Ərazidəki post-patrul xidmətinin açdığı atəş nəticəsində Suriya tərəfi susdurulub. Türk bölüyü ərazidə 40 ədəd mazut bidonu aşkarlayıb. Bidonların götürülməsi zamanı həmin 5 nəfərlik qrup yenidən atəş açsa da sonda geri çəkilməli olublar.
Həmin gün saat 22:45 radələrində Oğulpınar sərhəd postuna aid sahədə də zirehli texnikalar atəşə tutulub. Cavab atəşi açılıb. Ölən və yaralanan yoxdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
