Netaniyahu: «İran 5 atom bombası düzəldə bilər»

İsrail hökumətinin başçısı Binyamin Netaniyahu Almaniyanın «Bild» jurnalına müsahibə verib.

Lent.az-ın «nyusru»-ya istinadən məlumatına görə, baş nazir bildirib ki, indiki halda İran aşağı səviyyədə zənginləşdirilmiş uran ehtiyatına malikdir: «Bu, bir neçə həftəyə İranın beş atom bombası hazırlamasına yetərlidir».

Yəhudi dövlətinin hökumət başçısı deyib ki, İranı Əraqdakı bütün sentrifuqa və ağır su reaktorlarının ləğvinə məcbur etmək lazımdır: «Əgər o, bundan imtina edərsə, o halda sanksiyaları sərtləşdirmək vacibdir. Tehran sentrifuqaları və plutonium reaktorlarını indi sökməzsə, onda təzyiqləri zəiflətmənin nə anlamı var. Onun sabah bizim üçün daha sərfəli şərtlərə razı olacağını düşünürsünüz? Bu tarixin ağır ödəşəcəyi səhvdir, dəhşətli səhvdir».

O, ABŞ-ın dövlət katibi Con Kerri ilə aralarında mübahisəyə aydınlıq gətirərək, deyib: «Dostlar arasında fikir ayrılığı olar»