Misirdə qanlı gün: 51 ölü

Misirdə polislə sabiq prezident Məhəmməd Mursi tərəfdarları arasında baş verən toqquşmalarda ən azı 51 nəfər həlak olub.

APA-nın “Associated Press”ə istinadən xəbərinə görə, Misir SƏhiyyə Nazirliyi 241 nəfərin yaralandığını, Daxili İşlər Nazirliyi isə 423 iğtişaş iştirakçısının saxlanıldığını açıqlayıb.

Oktyabrın 6-da hüquq-mühafizə orqanlarının əməkdaşları ilə Mursi tərəfdarları arasında toqquşmalar Misirin müxtəlif şəhərlərində baş verib. Daha ciddi toqquşmalar isə Qahirədə qeydə alınıb. Mursi tərəfdarları Misirlə İsrail arasında baş vermiş “Qiyamət günü müharibəsi” adı ilə məşhur olan müharibənin 40 illiyini qeyd etməyə toplaşıblarmış.

Bununla belə, iğtişaşlar rəsmi bayram tədbirlərinin keçirilməsinə mane olmayıb. Qahirə stadionlarından birində keçirilən və televiziya ilə canlı yayınlanan tədbirlərin birində Misirin müdafiə naziri Əbdülfəttah əl-Sisi və müvəqqəti prezident Ədli Mansur da iştirak edib.