Suriya prezidenti Bəşər Əsədə sadiq ordu bölmələri böyük strateji əhəmiyyətə malik Kuseyr şəhərinə nəzarəti ələ aldıqdan sonra ölkənin iqtisadi paytaxtı sayılan Hələbdə müxaliflərin nəzarətindəki məhəllələrə, o cümlədən şəhər ətrafındakı qəsəbələrə hücuma başlayıblar.
Lent.az-ın Press TV telekanalına istinadən verdiyi məlumata görə, “Şimal burulğanı” adı verilən əməliyyat nəticəsində artıq Xayyan, Anadan və Xareytan azad edilib.
Müxalif Suriya Azadlıq Ordusunun döyüşçüləri indiyə qədər Hələbdə nəzarət etdikləri Şeyx-Masud, Bustan-əl-Başa, Bustan-əl-Kasr və Amiriya qəsəbələrindən sıxışdırılaraq çıxarılıblar. Hazırda Atarib və Kfar-Xamr məhəllələrində qanlı döyüşlər davam edir. Suriyanın baş naziri Vail əl-Xaliki deyib ki, Suriya ordusu ölkə torpaqlarında bir terrorçu və muzdlu belə qalmayana qədər əməliyyatları davam edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
