Düşənbə Moskvanın yardımından imtina edib

Tacikistan Xarici İşlər Nazirliyi Konsulluq İdarəsinin rəisi Cəmaləddin Ubaydullayev rəsmi Düşənbə Rusiyanın maliyyə yardımı olmadan ölkə vətəndaşlarının xarici pasportla təmin edə biləcəyini söyləyib.

Lent.az-ın «BBC»-yə istinadən məlumatına görə, o, məsələyə belə münasibət bildirib: «XİN öz vətəndaşlarımızı kimdənsə borc pul götürmədən xarici pasportla təmin edə bilər. Tacikistan 2015-ci ilədək Tacikistan vətəndaşları xarici pasportla tam təmin olunacaq».

Xatırladaq ki, bir müddət öncə Rusiya rəsmiləri bildirmişdi ki, onlar Tacikistan və keçmiş SSRİ-nin başqa ölkələrinin vətəndaşlarının uyğun sənədlə təmin edilməsinə yardım etməyə hazırdır.

Pasport məsələsi son zamanlar daha da ciddiləşib. Çünki bu günlərdə Moskva bəyan etdi ki, 2015-ci ilin əvvəlindən yaxın xaricin vətəndaşlarını Rusiyaya yalnız xarici pasportlarla buraxacaq.