Türkiyə baş nazirinin müavini, hökumət sözçüsü Bülənt Arınc «Gəzi» parkı ilə bağlı mətbuat üçün açıqlama verib.
Lent.az-ın Türkiyə informasiya vasitələrinə istinadən məlumatına görə, nazirlər kabinetinin bu məsələ ilə bağlı 6 saatlıq toplantısı keçirilib.
B.Arınc bildirib ki, baş nazir rəcəb Tayib Ərdoğan iyunun 12-də hökumət qarşısında tələblər irəli sürən bəzi qurumlarla görüşəcək.
«Xoş niyyətlə başlanan aksiyalar məsələsində, əgər söhbət ətraf mühitini qorunmasından gedirsə, məsələ insan haqları ilə bağlıdırsa, yaxud demokratiyanın inkişafı barəsindədirsə o zaman belə məsələləri məhəbbətlə müzakirə etməyə hazırıq»-deyə, baş nazirin müavini bildirib.
Bülənt Arınc etiraz aksiyalarının «xarici qüvvələrlə bağlılığının olduğuna dair» əllərində dəlil-sübutun olduğunu da vurğulayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
