AK Partiya mitinqlərə hazırlaşır

Türkiyədə «Gəzi» parkı ətrafında yaranmış gərginlik davam etməkdədir. Ötən gecə Ankarada keçirilən aksiyanı polis dağıdıb.

İstanbulda AK Partiyanın Mərkəzi Qərar və İdarəetmə qurumunun toplantısı keçirilib.

Lent.az-ın «CNNTürk»-ə istinadən məlumatına görə, yığıncaqda Taksimə bağlı olaylar müzakirə edilib. İndiki vəziyyət üçün erkən seçkiyə partiya ciddi yanaşmasa da çoxsaylı mitinqlər keçirmək haqqında qərara gəlib.

İlkin planlaşdırmaya əsasən, iyunun 15-də Ankarada, 16-da isə İstanbulda mitinq keçiriləcək. Bu tədbirlər böyük şəhər bələdiyyələri ilə tamamlanacaq.

Partiya təmsilçilərindən biri mitinqlə bağlı bunları bildirib: «Məqsədimiz güc göstərmək deyil. Azlıq hökmlü və təslim etmiş kimi görünür. Ona görə də məqsədimiz məmləkətin yiyəsiz olmadığın göstərməkdir».

AK Partiya baş verənlərlə bağlı rəy sorğusu da keçirməyi planlaşdırır.