«Gəzi» parkına polis müdaxiləsi olacaqmı?

İstanbul valisi Hüseyn Ayni Mutlu «Gəzi» parkı ilə bağlı informasiya vasitələri ilə bir ismarıc yayımlayıb.

Lent.az-ın Habertürk-ə istinadən məlumatına görə, Mutlu deyib ki, Taksimə müdaxilənin hazırlandığı iddiaları təxribat xarakterlidir.

Mənbənin məlumatına əsasən, iyunun 7-də vali məhkəmənin hakimi, Milli İstiğbarat Təşkilatının təhlükəsizlik idarəsinin müdiri və polis rəisinin iştirakı ilə İstanbulda birgə toplantı keçirib.

Həmin yığıncaqda «Gəzi» parkına yeni bir müdaxilə edilməsi məsələsi müzakirə edilib.

Hüseyn Mutlu iyunun 8-də deyib: «Dünəndən bəri Taksimə müdaxilə hazırlandığı yönündə məsələni şiddətlə təbliğat edib, təxribat etmək istəyənlər ola bilər. Ona görə də hər kəs diqqətli olmalıdır».