Şimali Koreya qəzeti: “koronavirusu ildırım sürəti ilə  məhv etdik”
23 may 2022 07:32 (UTC +04:00)

Şimali Koreya qəzeti: “koronavirusu ildırım sürəti ilə məhv etdik”

KXDR-in rəsmi mətbuatı qısa vaxtda Covid-19-un yayılmasının dayandırıldığını bildirib.

Lent.az-ın xəbərinə görə, hakim partiyanın orqanı “Rodonq Sinmun” qəzeti yazır ki, sərt qapanma nəticəsində xəstəliyin qarşısı çox qısa müddətə alınıb. Bu da “virusu cilovlamağa və vəziyyəti sabitləşdirməyə” imkan verib.

“Pandemiyanın tüğyan etdiyi dövrdə uzun müddət Covid-19-un yoxluğuna görə dünya rekorduna imza atan ölkəmiz virusu ildırım sürəti ilə məhv edib və yayılmasının qarşısını alıb. Bu da min dəfə sübut edir ki, partiyanın epidemiya ilə mübarizədə tutduğu yol doğrudur” – deyə qəzet fəxrlə bildirib. 

Müəllif əlavə edib ki, KXDR-in əldə etdiyi uğuru heç bir ölkə bacarmayıb. 

# 1650
avatar

Oxşar yazılar