Rumıniyada gənc qız ayıdan qaçarkən Frumoasa gölündə boğularaq ölüb.
Lent.az xarici mediaya istinadla bildirir ki, hadisə Harqita qraflığında baş verib.
Hüquq-mühafizə orqanlarının ilkin məlumatına görə, 18 yaşlı qız dostları ilə birlikdə gölün yaxınlığındakı meşədə olub. Gəzintiyə çıxan bir qrup gəncin yaxınlığında qəfil ayı peyda olub. Onlar ayıdan qorxaraq qaçmağa başlayıblar.
Qız qaçarkən müvazinətini itirib və hündürlükdən dərin suya düşüb. Hadisə ilə əlaqədar iki xilasedici briqadası hadisə yerinə gəlib.
Zərərçəkmiş qayıq vasitəsilə sudan çıxarılaraq sahilə aparılıb, həkimlər ilkin tibbi yardımaə başlayıblar. Lakin görülən tədbirlərə baxmayaraq, qızı xilas etmək mümkün olmayıb. Hazırda polis hadisənin baş vermə şəraitini müəyyən etmək üçün araşdırma aparır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
