“Domodedovo”nu partladan kamikadzenin şəxsiyyəti müəyyənləşdirilib

Rusiya Federal Təhlükəsizlik Xidməti “Domodedovo” aeroportunda törədilən terror aktının tək icraçıları deyil, təşkilatçıları barədə də məlumata malikdir. Lent.az-ın “İTAR-TASS” agentliyinə istinadən verdiyi məlumata görə, bunu prezident Dmitri Medvedevlə görüşdə Federal Təhlükəsizlik Xidmətinin rəhbəri Aleksandr Bortnikov söyləyib.

Federal Təhlükəsizlik Xidməti aeroportda partlayış törədən terrorçunun da şəxsiyyətinin artıq müəyyənləşdirildiyini söyləyib: “Bu, Şimali Qafqaz respublikalarından birinin sakini olan 20 yaşlı şəxsdir. O, keçən ilin avqustunda cinayətkar qruplardan birinə daxil olub. Yaxın vaxtlarda bu terrora hazırlıq işlərini aparanlar saxlanılacaq, cinayət açılacaq. Cinayətkar qrupun 10 üzvü saxlanılıb, 6 üzvü barədə isə federal və beynəlxalq axtarış elan edilib. Xüsusi xidmət orqanları onların Rusiya ərazisini tərk etməsinin qarşısını almaq üçün tədbirlər görür”.