İtaliyada tutulan çeçen kamikadze qadının qardaşı çıxdı

İtaliyada saxlanılan və mətbuatının çeçen silahlılarının lideri Doku Umarovun qardaşı kimi təqdim etdiyi şəxsin Moskvanın “Lubyanka” metrostansiyasında partlayış törədən Məryəm Şərifovanın qardaşı olduğu üzə çıxıb. Lent.az-ın “Kommersant” qəzetinə istinadən verdiyi məlumata görə, məhz 35 yaşlı Ənvər Dağıstandan gəlmiş bacısını metroya qədər müşayiət edib.

Dağıstanın Untsukulsk rayonunun Balaxanı kəndində yaşayan Ənvərin atası Rəsul Məhəmmədov oğlunun saxlanıldığını jurnalistlərdən eşidib. O deyib ki, partlayışdan sonra Ənvər hüquq-mühafizə orqanlarının onu incidəcəyindən ehtiyatlanaraq Rusiyanı tərk edib: “O, bir daha cəhənnəm dairəsinə qayıtmaq istəmir. Ənvər Dağıstanda qanunsuz olaraq istintaq təcridxanasına salınıb və buna görə də Moskvaya gedib. Həm də Ənvər metroda partlayış baş verən zaman Türkiyədə olub”.