Süveyş kanalı işləmir

Prezident Hüsnü Mübarəkin istefası tələbi ilə Misirdə keçirilən kütləvi aksiyalar, qanlı qarşıdurmalar Avropa iqtisadiyyatına ciddi mənfi təsir göstərməyə başlayıb.

Lent.az-ın “mignews.com” saytına istinadən verdiyi məlumata görə, Yaxın Şərq neftinin Avropa ölkələrinə, Avropa mallarının Asiyaya daşındığı əsas su yolu olan Suveyş kanalı faktiki işləmir. Rəsmi olaraq, Suveyş kanalının işlədiyi bildirilsə də, artıq 2 gündür ki, Suveyşdə gömrük və immiqrasiya xidməti fəaliyyət göstərmir. Buna görə də dəniz quldurlarının at oynatdığı Ədən körfəzinə çıxmalı olan yük gəmiləri hərbi mühafizə ilə təmin olunmur. Suveyş kanalını keçmək istəyən gəmilərin heyəti təzə su və ərzaq malları ala bilmir.

Qeyd edək ki, il ərzində Süveyş kanalından 34 min gəmi keçir. Onların 2 min 700-ü əsasən, neft daşıyan supertankerdir.