Ölüm klinikası açılacaq!

Lent.az-ın “Hollandiya 2” telekanalına istinadən verdiyi məlumata görə, bu barədə Könüllü Həyata Son Qoyma Dərnəyinin təmsilçisi Petra De Jonq məlumat verib.

O deyib ki, bir neçə il əvvəl ölümcül xəstələrə evtanaziya (insanın öz iradəsi ilə yüngül ölüm yolunu seçməsi – red.) haqqı verən Hollandiyada belə bir klinikanın açılması ilə bağlı qanuni əngəl də yoxdur. Onun sözlərinə görə, klinika fəaliyyətə başlayandan sonra il ərzində min nəfər bu klinikada “rahatca ölə biləcək”. Petra De Jonq ölkədə evtanaziya istəyən minlərlə insan olduğunu vurğulayıb: “Bu klinikaya müraciət edən şəxs uzağı 3 günə həyatına son qoya biləcək. Bu klinika fəaliyyətə başlayan zaman cəmiyyətdən təpgi görəcəyimiz qədər dəstək də görəcəyimizə inanıram”.

Hollandiya Həkimlər Federasiyası isə belə klinikanın açılmasına qarşı olduğunu bəyan edib. Federasiyasının sözçüsü Lode Vigersma deyib ki, qanuna görə belə bir klinikanın açılması ilə bağlı hər hansı maneə olmasa da, bu məsələyə müsbət yanaşmırlar.