Çin Rusiya və Ukraynanı aldadaraq hərbi gəmi alıb

Lent.az-ın məlumatına görə, bir müddət əvvəl Pekin Rusiyadan inventardan yenicə çıxarılmış təyyarədaşıyan bir gəmini «üzərində əyləncə mərkəzinin yaradılması» adı ilə satın alıb. Rusiya tərəfi isə aldandığını bu günlərdə başa düşüb.

Məlumatlara görə, gəmi 2015-ci ilin sonlarında Hərbi Dəniz Qüvvələrinin sıralarında olacaq. Artıq Çin gəminin naviqasiya sistemləri və silah platformalarını hazırlamaqdadır.

«Asian Kanwa» hərbi jurnalının yazdığına görə, Çin 2008-ci ildə Ukraynadan eyni formada, mülki təyinatlı işlərdə istifadə olunacağı adı ilə keçmiş «Varyaq» adlı təyyarədaşıyan gəmini satın alıb (20 milyon dollara). Hərbi gəmilərin boğazlardan keçməsinə icazə verməyən Türkiyə isə mülki təyinatla istifadə olunacağına dair Çinin vədindən sonra həmin gəmini ərazisindən keçməsinə icazə verib. Çin isə Boğazlar Anlaşmasını pozaraq ölkəyə gətirildikdən sonra «Varyaq» bərpa edilərək «Shi Lang» adı ilə yenidən döyüşə hazır vəziyyətə gətirib. Hərbi analitiklər bu gəminin Çin donanmasının əsas təyyarədaşıyanı ola biləcəyini düşünürlər.

Bununla da Çin dünyada təyyarədaşıyan gəmiyə malik doqquzuncu ölkə olma iddiasını reallaşdırmağa yaxınlaşıb.

Rəşad