Boliviyadan dünya ölkələrinə əcaib təklif

Boliviya hökuməti dünya miqyasında koka yarpaqlarının çeynənməsinə qoyulan qadağan aradan götürülməsinə çalışır.

Lent.az-ın “Reuters” agentliyinə istinadən verdiyi məlumata görə, hələ ki, Boliviyanın bu təşəbbüsünü yalnız İspaniya dəstəkləyib.

Hazırda Avropa ölkələrində səfərdə olan Boliviya xarici işlər naziri Devid Çokexuanka Sespelesin gündəmindəki əsas məsələlərdən biri də avropalılara koka yarpağının çeynənməsi üzərində qoyulan qadağanın götürülməsi ilə bağlıdır.

Boliviya hökuməti bəyan edib ki, koka yarpağının çeynənməsinə qadağa qoyulması And xalqlarına münasibətdə diskriminasiyadır. Çünki bu yarpağın çeynənməsi And xalqlarının arasında vərdiş kimi yayılıb.

Qeyd edək ki, koka fitoterapiyada istifadə edilən yüngül stimulyatordur. Ancaq koka həm də təhlükəli narkotik vasitə olan kokain üçün xammal rolunu oynayır.