Rafiq Həririnin qətlini ayətullah Xamneyi sifariş edib?

Lent.az-ın «MIGnews»-a istinadən məlumatına görə, ittiham prokuror Daniel Belmar tərəfindən irəli sürüb. İttihama əsasən, keçmiş baş nazirin qətlini «Hizbullah» qrupunun üzvləri planlaşdıraraq, həyata keçirib. «AFP»-nin məlumatına görə, qətli sifarişinin İranın ali rəhbəri ayətullah Xamneyi tərəfindən 2005-ci ilin fevralında verdiyi bildirilir. «Sifarişçi»yə qarşı da ittiham irəli sürülüb.

Bir müddət öncə R.Həririnin qətlini «Hizbullah»ın əməliyyat bölməsinin rəisi İmad Muqniya və qrupun iranlı komandiri Qasım Süleymaninin planlaşdırdığı bildirilirdi.
Hesabata əsasən, baş nazirə sui-qəsdi Muqniyanın əmisi oğlu Mustafa Bədrəddinin başçılıq etdiyi döyüşçü qrup həyat keçirib.

«İran Həririni “Səudiyyə Ərəbistanının casusu” sayırdı. Bu səbəbdən də onun ölümü Livandakı «Hizbullah»a sərvf edərdi» - deyə, «Newsmax» bildirib.

Mənbənin bildirdiyinə görə, hesabatda ayətullah Xamneyinin İnqilab Keşikçiləri Qvardiyasının komandanlığına bu barədə əmr verdiyi haqda dəlillər var.

Xatırladaq ki, İmad Muqniya R.Həririnin qətlindən bir müddət sonra müəmmalı şəkildə öldürüldü. Onun da qətili haqda çeşidli rəylər söylənilməkdədir. R.Həririnin ölümündə İran hakimiyyəti və «Hizbullah» ilə yanaşı, Suriyanın prezidenti Bəşər Əsəd, eləcə də onun əmisi oğlu, Suriya kəşfiyyat idarəsinin o vaxtkı başçısı Asəf Şövkətin də əsas rol oynadığı haqda versiya irəli sürülür.

Sədrəddin Soltan