Pişik andlılar məhkəməsinə çağırıldı!

Lent.az-ın “Metro” nəşrinə istinadən verdiyi məlumata görə, Qay və Anna Espozito ailəsində yaşayan “Sel” adlı pişik andlılar məhkəməsinə çağırılıb.

Pişik məhkəmə prosesində andlılar heyətinin üzvlərindən biri olmalıdır. Anna Espozito deyib ki, ABŞ-da əhalinin saya alınması zamanı ailəsində Sel adlı pişiyin yaşadığını qeyd edib. Ancaq böyük ehtimalla, məhkəmə bunu görməyib və “Sel”i ailənin tamhüquqlu bir üzvü hesab edib. Pişiyin sahibi Boston şəhər Məhkəməsinə Selin pişik olduğunu izah etməyə çalışıb, ancaq ingilis dilini bilmədiyi üçün fikrini çatdıra bilməyib. Massaçustes məhkəmə sisteminin rəsmi saytında qeyd olunur ki, andlıların ingilis dili bilməsi şərt deyil.

İndi “Sel”in sahibləri ilə birgə məhkəmə iclasına getməsi lazımdır. Pişik martın 23-də keçiriləcək məhkəmə prosesində andılar heyətinin üzvlərindən biri olacaq. Məhkəmənin hansı işlə bağlı olduğu açıqlanmır.