Roma Papasının çağırışı aləmi bir-birinə qatıb

Lent.az-ın “mignews.com” saytına istinadən verdiyi məlumata görə, rəsmi Qahirənin bu addımının səbəbi az əvvəl İsgəndəriyyədə xristianlara məxsus kilsənin önündə baş verən partlayışla bağlı Roma Papası XVI Benediktin söylədikləridir.

Xristianlara qarşı hücumları pisləyən Roma Papası Yaxın Şərq ölkələrinin hökumətlərini Misir vətəndaşlarını diqqətlə izləməyə çağırıb və Misirdəki xristianların müdafiəyə ehtiyacı olduğunu vurğulayıb. Qahirə isə XVI Benediktin çağırışını Misirin daxili işlərinə qarışmaq kimi qiymətləndirib. Misir xarici işlər naziri Əhməd Abul Qeyt həm də Vatikan xarici siyasət idarəsinin rəhbərinə məktub göndərib. Məktubda qeyd olunub ki, Qahirə “Yaxın Şərqdə xristianların müdafiəsi” ideyasının təbliğinə yol verməyəcək.

Qeyd edək ki, dünən axşam da Misirin El-Minya əyalətində sərnişin vaqonunda 71 yaşlı bir xristian güllələnib. Cinayətkar yaxalanıb.