Seksual casus qadın siyasətə gəlir

Bu ilin yayında ABŞ-da Rusiya lehinə casusluqda ittiham olunaraq saxlanılan və Vaşinqtonla Moskva arasında casus mübadiləsindən sonra azadlığa çıxan Anna Çapman siyasətə gəlməyə hazırlaşır.

Lent.az-ın “Tvoy den” qəzetinə istinadən verdiyi məlumata görə, O, Vahid Rusiyanın Gənc Qvardiyası gənclər təşkilatının sıralarına qatılıb.

Bu gənclər təşkilatı hökumətyönümlüdür və Anna Çapman bu təşkilatda gənclərin vətənpərvərlik tərbiyəsi ilə məşğul olacaq, eyni zamanda Rusiya dövlətçilik ənənələrini təbliğ edəcək.

Qeyd edək ki, oktyabrın 18-də Rusiya prezidenti Dmitri Medvedev ABŞ-dan qovulmuş rus casuslarını ali dövlət mükafatı ilə təltif edib və təntənəli mükafatlandırma mərasiminin Kremldə keçirilib. Mükafatlandırılanlar arasında seksuallığı ilə diqqət çəkən Anna Çapman da olub.

Xatırladaq ki, Anna Çapman oktyabrın 18-də tanınmış kişi jurnalı “Maksim”in rus versiyasının üz qabığı üçün də şəkillərini çəkdirib. Alt paltarda poza verən Anna Çapman jurnala açıqlamasında casusluq fəaliyyəti və eşq həyatından danışıb.