Çernobıl AES turistlərə açılır?

Lent.az-ın “7sur7.be” xəbərinə görə, BMT-nin İnkişaf proqramının əməkdaşı ilə görüşdə Ukraynanın keçmiş Fövqəladə hallar naziri hökumətin proqramını açıqlayıb.

Ukrayna hökuməti fəlakət zonasının turistlərin ziyarətinə açılması üçün ciddi hazırlıqlar aparır. Proqrama əsasən yanvardan etibarən bura ekskursiyalar təşkil edilməlidir. Hökumət bu addımla həmçinin bəşəriyyətin diqqətini atom faciəsinə cəlb etmək niyyətindədir.

Qadağalar çox olduğu üçün bu zonaya turistlərin marağı az idi. Radioaktiv fon aşağı düşdükcə insanların bu əraziyə marağı artır. Əvvəllər turistlərə AES-in qalıqlarına 30 km-dən çox yaxınlaşmağa, foto və video çəkiliş aparmağa icazə verilmirdisə, indi hökumət bu şərtləri maksimal dərəcədə yumşaltmağa qərar verib

1986-cı ildə aprelin 25-dən 26-na keçən gecə Çernobılda tarixin ən böyük texnogen qəzalarından biri baş verdi. BMT-nin hesablamalarına görə, Çernobıl qəzasından birbaşa və dolayı yolla əziyyət çəkənlərin sayı 9 milyondan artıqdır. Xilasetmə işləri zamanı çox sayda Azərbaycan SSR vətəndaşı da şüa xəstəliyinə tutulub.

Vüqar